സണ്ണി വെയ്ൻ നായകനാകുന്ന പുതിയ ചിത്രം ‘അപ്പൻ’ ട്രെയിലർ പുറത്തിറക്കി.

സണ്ണി വെയ്ൻ കേന്ദ്ര കഥാപാത്രമായി എത്തുന്ന പുതിയ ചിത്രമായ ‘അപ്പൻ’റ്റെ ഓഫീഷ്യൽ ട്രെയിലർ പുറത്തിറക്കി. ഡാർക്ക് കോമഡി ഗണത്തിൽ പെടുന്ന ചിത്രം ആണിത്. വേറിട്ട ഒരു ഗെറ്റപ്പിലാണ് സണ്ണി ചിത്രത്തിൽ എത്തുന്നത്. മജു ആണ് ചിത്രം സംവിധാനം ചെയ്യുന്നത്.
‘വെള്ളം’ ചിത്രത്തിൻറ്റെ പ്രൊഡ്യൂസർമാരായ ജോസ് കുട്ടി മഠത്തിൽ, രഞ്ജിത്ത് മണബ്രക്കാട്ട് എന്നിവർക്കൊപ്പം ടൈനി ഹാൻഡ്സ് പ്രൊഡക്ഷൻസിൻറ്റെ ബാനറിൽ സണ്ണി വെയ്ൻ പ്രൊഡക്ഷൻസുമായി ചേർന്നാണ് ചിത്രം നിർമ്മിക്കുന്നത്. സണ്ണി വെയ്നും അലൻസിയറും ആണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. കുടുംബ പശ്ചാത്തലത്തിലുള്ള ഒരു കഥയാണ് ചിത്രം പറയുന്നത്.
അനന്യ, ഗ്രേസ് ആൻറ്റണി, പോളി വത്സൻ, രാധിക രാധാകൃഷ്ണൻ, അനിൽ കെ ശിവറാം, വിജിലേഷ്, ഉണ്ണി രാജ, ദ്രുപദ് കൃഷ്ണ, അഷ്റഫ് എന്നിവരാണ് ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നത്.
തൊടുപുഴയിൽ വച്ചാണ് ചിത്രത്തിൻറ്റെ ഭൂരിഭാഗം ഭാഗങ്ങളും ചിത്രീകരിച്ചിരിക്കുന്നത്. ആർ ജയകുമാറും സംവിധായകൻ മജുവും ചേർന്നാണ് ചിത്രത്തിൻറ്റെ തിരക്കഥ ഒരുക്കിയിരിക്കുന്നത്.
പപ്പു ആണ് ചിത്രത്തിൻറ്റെ ഛായാഗ്രഹണം നിർവഹിച്ചിരിക്കുന്നത്. എഡിറ്റിംഗ് കിരൺ ദാസ്. സംഗീത സംവിധാനം ഡോൺ വിൻസെൻറ്റ്. ഗാനരചന അൻവർ അലി. സൌണ്ട് ഡിസൈൻ വിക്കി, കിഷാൻ. സിങ്ക് സൌണ്ട് ലെനിൻ വലപ്പാട്. മേക്കപ്പ് റോണക്സ് സേവ്യർ. ആർട്ട് കൃപേഷ് അയ്യപ്പൻകുട്ടി. കോസ്റ്റ്യൂം സുജിത്ത് മട്ടന്നൂർ. എക്സിക്യൂട്ടീവ് പ്രൊഡ്യൂസർ ദീപു ജി പണിക്കർ. പ്രൊഡക്ഷൻ കൺട്രോളർ ദീപക് പരമേശ്വരൻ. പ്രൊഡക്ഷൻ എക്സിക്യൂട്ടീവ് പ്രസാദ്. സ്റ്റിൽസ് റിച്ചാർഡ്. ഡിസൈൻസ് ഓൾഡ് മങ്ക്സ്. പി ആർ ഒ മഞ്ജു ഗോപിനാഥ്.