വിവാഹശേഷം വീണ്ടും സിനിമയിലേക്ക് തിരിച്ചെത്തി മിയ ;ജോലിയ്ക്ക് പോകുന്ന സന്തോഷം പങ്കുവെച്ച് താരം

ടെലിവിഷൻ സിരീയലുകളിലൂടെ അഭിനയത്തിലേക്ക് കടന്നു വന്നയാളാണ് മിയ ജോർജ്. തുടർന്ന് നിരവധി മലയാളം, തമിഴ്, തെലുങ്ക് ചിത്രങ്ങളിൽ മിയ അഭിനയിച്ചു. വിവാഹശേഷം സിനിമയിൽ നിന്നും മാറി നിന്ന മിയ ഇപ്പോൾ വീണ്ടും സിനിമയിലേക്ക് തിരിച്ചെത്തുകയാണ്. വീണ്ടും ചിത്രീകരണ തിരക്കുകളിലേക്ക് മാറുന്നതിൻറ്റെ സന്തോഷം മിയ തൻറ്റെ ഇൻസ്റ്റഗ്രാമിലൂടെയാണ് ആരാധകരുമായി പങ്കുവെച്ചത്. ഷൂട്ടിംന് വേണ്ടി പുറപ്പെടുന്ന വീഡിയോയാണ് മിയ പങ്കുവെച്ചിരിക്കുന്നത്. ജോലി ചെയ്യുന്ന അമ്മ എന്ന പദവി ആസ്വിക്കുന്നു എന്ന ക്യാപ്ഷനോടെയാണ് മിയ വീഡിയോ പങ്കുവെച്ചിരിക്കുന്നത്. ഇപ്പോഴിതാ നടി ശിവദ ഉൾപ്പെടെ നിരവധി സിനിമാതാരങ്ങളും മിയയുടെ വീഡിയോയ്ക്ക് കമൻറ്റുകളുമായി എത്തിയിട്ടുണ്ട്.

കഴിഞ്ഞ വർഷം സെപ്റ്റംബർ 12 ന് ലോക്ക്ഡൌൺ സമയത്തായിരുന്നു മിയയുടെ വിവാഹം. എറണാകുളം സ്വദേശിയും ബിസിനസ്സുകാരനുമായ അശ്വിൻ ഫിലിപ്പ് ആണ് മിയയുടെ ഭർത്താവ്. വിവാഹത്തിനുശേഷം അഭിനയത്തിൽ നിന്നും ഒരു ബ്രേക്ക് എടുത്തിരിക്കുകയായിരുന്നു മിയ. എന്നാൽ താൻ തുടർന്നും അഭിനയിക്കുമെന്നും സിനിമ വിടുന്നില്ലെന്നും അതിന് ഭർത്താവ് അശ്വിന് എതിർപ്പില്ലെന്നും മിയ നേരത്തെ വ്യക്തമാക്കിയിരുന്നു

അൽഫോൺസാമ്മ എന്ന സീരിയലിൽ മാതാവിൻറ്റെ വേഷം ചെയ്തുകൊണ്ടാണ് മിയ തൻറ്റെ കരിയർ ആരംഭിക്കുന്നത്. തുടർന്ന് സിനിമയിൽ ചെറിയ വേഷങ്ങൾ ചെയ്തു. ഷാജൺ കാര്യാൽ സംവിധാനം ചെയ്ത ചേട്ടായീസ് ആണ് മിയ നായികയായ ആദ്യ മലയാള സിനിമ. തുടർന്ന് മലയാളത്തിലും തമിഴിലും തെലുങ്കിലുമായി നാൽപതോളം ചിത്രങ്ങളിൽ മിയ അഭിനയിച്ചിട്ടുണ്ട്. പൃഥ്വിരാജ് നായകനായെത്തിയ ഡ്രൈവിംഗ് ലൈസൻസ് ആണ് മിയയുടെ ഏറ്റവും ഒടുവിൽ റിലീസായ ചിത്രം

ഇൻട്ര് നേട്ര് നാളൈ 2 എന്ന ചിത്രത്തിൻറ്റെ ഷൂട്ടിംങാണ് ഇപ്പോൾ നടന്നുക്കൊണ്ടിരിക്കുന്നത്. കോബ്ര എന്ന സിനിമയുടെ തമിഴ് റീമേക്കാണ് ഇനി പുറത്തിറങ്ങാനുള്ള മിയയുടെ സിനിമ. സിഐഡി ഷീല എന്ന മലയാള ചിത്രത്തിലും മിയയുണ്ടെന്നാണ് ഇപ്പോൾ പുറത്ത് വരുന്ന വാർത്ത.