മമ്മൂട്ടി ആരാധകനായി സൂരി, വേലൻ പോസ്റ്റർ പുറത്തിറങ്ങി

ബിഗ് ബോസ് തമിഴ് സീസൺ 3 ഫെയിം മുഗൾ റാവു നായകനാകുന്ന തമിഴ് ചിത്രം വേലൻ പുതിയ പോസ്റ്റർ റിലീസ് ചെയ്തു. നവാഗതനായ കെവിൻ സംവിധാനം ചെയ്യുന്ന ചിത്രമാണ് വേലൻ. മുഗൾ റാവുവിൻറ്റെ അരങ്ങേറ്റ ചിത്രം കൂടിയാണ് വേലൻ. ചിത്രത്തിൻറ്റെ ഷൂട്ടിംഗ് പൂർത്തിയാക്കി ഇപ്പോൾ പോസ്റ്റ് പ്രൊഡക്ഷൻ വർക്കുകളിലാണ്. സ്കൈമാൻ ഫിലിംസിൻറ്റെ ബാനറിൽ കലൈമകൻ മുബാറക് ആണ് ചിത്രം നിർമ്മിക്കുന്നത്. ചിത്രത്തിൽ സൂരി ഒരു പ്രധാന വേഷം ചെയ്യുന്നുണ്ട്. ചിത്രത്തിൽ പ്രഭു, ഹരീഷ് പേരടി, തമ്പി രാമയ്യ, ശ്രീ രഞ്ജിനി, സുജാത എന്നിവർ പ്രധാന വേഷങ്ങളിലെത്തുന്നുണ്ട്. മീനാക്ഷിയാണ് ചിത്രത്തിലെ നായിക.

കോയമ്പത്തൂരിൽ നിന്നുള്ള ഒരു മമ്മൂക്ക ആരാധകനെയാണ് സൂരി സിനിമയിൽ അവതരിപ്പിക്കുന്നത്. മമ്മൂക്ക ദിനേശൻ എന്നാണ് കഥാപാത്രത്തിൻറ്റെ പേര്. തിള്ളെയാർ പളനിസ്വാമി എന്ന കഥാപാത്രത്തെയാണ് പ്രഭു അവതരിപ്പിക്കുന്നത്. പാലക്കാട്ടുകാരനായ ആനന്ദക്കുട്ടനെ തമ്പി രാമയ്യയും ആർകെവി എംഎൽഎ യെ ഹരീഷ് പേരടിയും അവതരിപ്പിക്കുന്നു. ചിത്രത്തിൻറ്റെ ക്യാരക്ടർ പോസ്റ്ററുകൾ പുറത്തെത്തി തുടങ്ങിയിട്ടുണ്ട്. ഗോപി സുന്ദർ ആണ് ചിത്രത്തിൻറ്റെ സംഗീത സംവിധാനം നിർവഹിക്കുന്നത്. ഗോപി ജഗദീശ്വരൻ ഛായാഗ്രഹണം, എഡിറ്റിംഗ് കെ ശരത്കുമാർ, കലാസംവിധാനം ടി ബാലസുബ്രമണ്യം, സംഘട്ടനം മഹേഷ് മാത്യൂ, നൃത്തസംവിധാനം ദിനേശ്. പൊള്ളാച്ചിയും പാലക്കാടുമായിരുന്നു ചിത്രത്തിൻറ്റെ പ്രധാന ലൊക്കേഷനുകൾ.

ചിത്രത്തിൽ നിരവധി തമിഴ്, മലയാളം സിനിമകളുടെ റഫറൻസ് ഉണ്ടാകുമെന്നും സംവിധായകൻ കെവിൻ നേരത്തെ പറഞ്ഞിരുന്നു. സിരുത്തെ ശിവയുടെ അസോസിയേറ്റ് ആയിരുന്നു കെവിൻ. സിനിമയ്ക്കുവേണ്ടി സൂരി മലയാളം പഠിച്ചെന്നും നേരത്തെ റിപ്പോർട്ടുകൾ വന്നിരുന്നു.