പുതിയ കേസ് അന്വേഷണവുമായി സേതുരാമയ്യർ. സസ്പെൻസ് നിറച്ച് CBI 5 ടീസർ.
മലയാളികൾ ഏറെ പ്രതീക്ഷയോടെ കാത്തിരുന്ന ചിത്രം സിബിഐ 5 ടീസർ പുറത്തിറങ്ങി. സൈന മൂവീസിൻറ്റെ യൂട്യൂബ് ചാനലിലൂടെ ആണ് ടീസർ പുറത്തിറക്കിയത്. ടീസർ റിലീസ് വിവരം പുറത്തുവന്നതു മുതൽ വലിയ ആവേശത്തിലാണ് മമ്മൂട്ടി ആരാധകർ. വളരെയധികം സസ്പെൻസ് നിറച്ചാണ് ടീസർ പുറത്തിറക്കിയിരിക്കുന്നത്. ടീസർ പോലെ തന്നെ ചിത്രവും ഒട്ടും നിരാശപ്പെടുത്തില്ല എന്ന പ്രതീക്ഷയിലാണ് ആരാധകർ.
രഞ്ജി പണിക്കർ, ആശാ ശരത്, അനൂപ് മേനോൻ, സായി കുമാർ, മുകേഷ്, രമേശ് പിഷാരടി, ദിലീഷ് പോത്തൻ, ജഗദീഷ്, സൌബിൻ ഷാഹിർ തുടങ്ങി വലിയൊരു താരനിരയാണ് ചിത്രത്തിലുള്ളത്. അതേസമയം നടൻ ജഗദിയും സിബിഐ 5 സൂടെ തിരിച്ചുവരവിനു ഒരുങ്ങുകയാണ്. ചിത്രത്തിൻറ്റെ റിലീസും ഉടൻ തന്നെ ഉണ്ടാകുമെന്നാണ് സൂചന. എന്നാൽ ഇത് സംബന്ധിച്ച് ഔദ്യോഗിക പ്രഖ്യാപനങ്ങളൊന്നും പുറത്തു വന്നിട്ടില്ല.
കെ മധുവാണ് ചിത്രം സംവിധാനം ചെയ്യുന്നത്. കഴിഞ്ഞ നാല് സിബിഐ സിനിമകളുടെയും തിരക്കഥ ഒരുക്കിയ എസ് എൻ സ്വാമി തന്നെയാണ് പുതിയ ചിത്രത്തിൻറ്റയും തിരക്കഥ എഴുതുന്നത്. സ്വർഗചിത്ര പ്രൊഡക്ഷൻസിൻറ്റെ ബാനറിൽ സ്വർഗചിത്ര അപ്പച്ചനാണ് ചിത്രം നിർമ്മിക്കുന്നത്. ചിത്രത്തിലെ ഐക്കോണിക് തീം മ്യൂസിക് ഒരുക്കുന്നത് ജേക്സ് ബിജോയ് ആണ്. അഖിൽ ജോർജ് ആണ് ചിത്രത്തിൻറ്റെ ഛായാഗ്രഹണം നിർവഹിക്കുന്നത്. എഡിറ്റിംഗ് – ശ്രീകർ പ്രസാദ്.
ഒരു സിബിഐ ഡയറിക്കുറിപ്പ്, ജാഗ്രത, സേതുരാമയ്യർ സിബിഐ, നേരറിയാൻ സിബിഐ തുടങ്ങിയവയായിരുന്നു നേരത്തെ ഇറങ്ങിയ നാലു പതിപ്പുകൾ. തിയേറ്ററുകളിൽ വലിയ വിജയം നേടിയ ചിത്രങ്ങളായിരുന്നു ഇവ. വീണ്ടും ഒരു ബോക്സ് ഓഫീസ് ഹിറ്റിനു കാത്തിരിക്കുകയാണ് മമ്മൂട്ടി ആരാധകർ