‘ആയിഷ’ ആദ്യ മലയാള – അറബിക് ചിത്രവുമായി മഞ്ജു വാര്യർ

ആദ്യ മലയാള – അറബിക് ചിത്രവുമായി മഞ്ജു വാര്യർ. ആയിഷ എന്നാണ് ചിത്രത്തിനു പേരിട്ടിരിക്കുന്നത്. നവാഗതനായ ആമീർ പള്ളിക്കൽ ആണ് ചിത്രം സംവിധാനം ചെയ്യുന്നത്. ഇന്തോ – അറബിക് പശ്ചാത്തലത്തിലൊരുങ്ങുന്ന ഒരു കുടുംബചിത്രമാണ് ആയിഷ.
സംവിധായകൻ സക്കറിയ ആണ് ചിത്രം നിർമ്മിക്കുന്നത്. ആഷിഫ് കക്കോടി ആണ് ചിത്രത്തിൻറ്റെ രചന നിർവഹിക്കുന്നത്. ഗൾഫിലായിരിക്കും സിനിമയുടെ ചിത്രീകരണം. 2022 ജനുവരിയോടെ സിനിമയുടെ ചിത്രീകരണം തുടങ്ങാനാണ് അണിയറപ്രവർത്തകരുടെ തീരുമാനം. മലയാളം, അറബിക് തുടങ്ങിയ ഭാഷകൾക്കു പുറമേ ഇംഗ്ലീഷിലും ഏതാനും ഇന്ത്യൻ ഭാഷകളിലും ചിത്രം റിലീസ് ചെയ്യും.

ചിത്രത്തിൻറ്റെ ഫസ്റ്റ് ലുക്ക് പോസ്റ്റർ അണിയറപ്രവർത്തകർ പുറത്തിറക്കിയിട്ടുണ്ട്. ദുൽഖർ സൽമാൻ ആണ് പോസ്റ്റർ റിലീസ് ചെയ്തത്. മഞ്ജു വാരിയറുടെ പിറന്നാൾ ദിനത്തോട് അനുബന്ധിച്ചായിരുന്നു സിനിമയുടെ പ്രഖ്യാപനം.
എം ജയചന്ദ്രൻ ആണ് സിനിമയുടെ സംഗീത സംവിധാനം നിർവഹിക്കുന്നത്. ബി കെ ഹരിനീരായണൻ, സുഹൈൽ കോയ എന്നിവരാണ് ഗാനരചന. ക്രോസ് ബോർഡർ ക്യാമറ, ഇമാജിൻ സിനിമാസ്, ഫെദർ ടച്ച് മൂവി ബോക്സ് എന്നീ ബാനറുകളിൽ സക്കറിയ വാവാട്, ഹാരിസ് ദേശം, ഷംസുദ്ധീൻ എം ടി, പി ബി അനീഷ് എന്നിവർ ചേർന്നാണ് ചിത്രം നിർമ്മിക്കുന്നത്.
വിഷ്ണു ശർമ്മ ആണ് ചിത്രത്തിൻറ്റെ ഛായാഗ്രഹണം. എഡിറ്റർ അപ്പു എൻ ഭട്ടതിരി. വസ്ത്രാലങ്കാരം മസ്ഹർ ഹംസ, ചമയം റോണക്സ് സേവ്യർ, കലാസംവിധാനം പ്രശാന്ത് മാധവ്, സ്റ്റിൽസ് രോഹിത് കെ സുരേഷ്, ഡിസൈൻസ് യെല്ലോ ടൂത്ത്സ്, ശബ്ദ സംവിധാനം ടോണി ബാബു, ചീഫ് അസോസിയേറ്റ് ബിനു ജി., വാർത്ത പ്രചരണം എ എസ് ദിനേശ്.