വിനയ് ഫോർട്ടിനെ നായകനാക്കി നവാഗതനായ സർജു രമാകാന്ത് സംവിധാനം ചെയ്യുന്ന പുതിയ ചിത്രമാണ് വാതിൽ. ചിത്രത്തിൻറ്റെ ഫസ്റ്റ് ലുക്ക് പോസ്റ്റർ നടൻ ദുൽഖർ സൽമാൻ തൻറ്റെ ഫേസ്ബുക്ക് പേജിലൂടെ കഴിഞ്ഞ ദിവസം പുറത്തിറക്കിയിരുന്നു. വിനയ് ഫോർട്ടിന് പുറമേ കൃഷ്ണ ശങ്കറും അനു സിത്താരയും ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നുണ്ട്. സുനിൽ സുഖദ, ഉണ്ണിരാജ്, അബിൻ ബിനോ, വി കെ ബൈജു, മൃദുൽ മുകേഷ്, അഞ്ജലി നായർ, സ്മിനു എന്നിവരാണ് ചിത്രത്തിൽ അണിനിരക്കുന്ന മറ്റ് താരങ്ങൾ. സ്പാർക്ക് പിക്ചേഴ്സിൻറ്റെ ബാനറിൽ സുജി കെ ഗോവിന്ദ് രാജ്, രജീഷ് വാളാഞ്ചി എന്നിവർ ചേർന്നാണ് ചിത്രം നിർമ്മിക്കുന്നത്. അനൂപ് കാരാട്ട് വെള്ളാട്, റിയാസ് അടക്കണ്ടി എന്നിവരാണ് എക്സിക്യൂട്ടിവ് പ്രൊഡ്യൂസർമാർ.
ഷംനാദ് ഷബീറാണ് ചിത്രത്തിൻറ്റെ തിരക്കഥയും സംഭാഷണവും ഒരുക്കിയിരിക്കുന്നത്. വിനായക് ശശികുമാർ, സെജോ ജോൺ എന്നവരുടെ വരികൾക്ക് ഈണം പകർന്നിരിക്കുന്നത് സെജോ ജോണാണ്. ചിത്രത്തിൻറ്റെ ഛായാഗ്രഹണം മനേഷ് മാധവൻ, എഡിറ്റിംങ് ജോൺകുട്ടി, കലസംവിധാനം സാബു റാം, മേക്കപ്പ് അമൽ ചന്ദ്രൻ, വസ്ത്രാലങ്കാരം അരുൺ മനോഹർ, സ്റ്റിൽസ് ബിജിത്ത് ധർമ്മടം, പരസ്യകല യെല്ലോ ടൂത്ത്സ്, വാർത്താപ്രചരണം എ എസ് ദിനേശ് എന്നിവരും നിർവ്വഹിക്കുന്നു.
ഫഹദ് ഫാസിൽ നായകനായി എത്തിയ മാലിക്കാണ് വിനയ് ഫോർട്ടിൻറ്റെ ഏറ്റവും അവസാനമായി റിലീസ് ചെയ്ത ചിത്രം. ആമസോൺ പ്രൈമിലൂടെയാണ് ചിത്രം റിലീസ് ചെയ്തത്. ഡേവിഡ് ക്രിസ്തുദാസ് എന്ന കഥാപാത്രത്തെയാണ് വിനയ് ഫോർട്ട് സിനിമയിൽ അവതരിപ്പിച്ചത്. മികച്ച പ്രേക്ഷക പ്രതികരണമാണ് ഈ കഥാപാത്രത്തിന് ലഭിച്ചത്. രതീഷ് ബാലകൃഷ്ണൻ പൊതുവാൾ സംവിധാനം ചെയ്യുന്ന കലഹം കാമിനി കലഹമാണ് ഇനി റിലീസ് ചെയ്യാനുള്ള വിനയ് ഫോർട്ടിൻറ്റെ മറ്റൊരു ചിത്രം.
Tag : Mollywood